Frjálslyndir og framtíðin, F fyrir fólkið.

Veturinn hefur verið ótrúlegur. Bankahrunið og öll mótmælin. Ég mætti á Austurvöll flesta laugardaga, ég tók þátt í starfi Borgarafunda í allan vetur. Ég hitti hundruð manna, ég sá um opið hús í Borgartúninu í allan vetur og ræddi við alla þessa óánægðu einstaklinga. Mótmælin í vetur eru ekki í samræmi við niðurstöður skoðanakannana síðustu daga. Hvernig stendur á því að þeir flokkar sem rústuðu heimilunum og draumum okkar ætla fá góða kosningu á morgun.

Við í Frjálslynda flokknum viljum vinna okkur út úr kreppunni með auknum tekjum, meiri þorskafla, frjálsum handfæraveiðum, aukinni ylrækt og fleira og fleira. Við viljum ekki skatta né skera okkur úr kreppunni. Við teljum það ekki raunhæfa leið.

Ekki láta skoðanakannanir ákveða hvað þú kýst á morgun. Okkar rödd er lífsnauðsynleg fyrir Ísland. Stefna Frjálslynda flokksins eru hróp búsáhaldabyltingarinnar, kjóstu okkur ef þú vilt heiðarlegt þjóðfélag. Kjóstu X-F.

 

                                 X-F

Kolaportið og fleiri staðir.

Það er töluverð sigling á okkur frambjóðendum Frjálslynda flokksins í Reykjavík, eins og raunar er reyndin með flokkinn allan. Við vorum í Kolaportinu í dag og Kringlunni. Allt gekk vonum framar. En það gleymdist að taka myndir af okkur þar en hér eru nokkrar myndir frá kosningaskrifstofu okkar í Glæsibæ.

 

 

 

 

 

 

 

 

 

 

 

 

 Sturla í góðum gír að ræða við samherja.

 

 

 

 

 

 

 

 

 

 

 

 

Helga, Guðlaug, Jakobína og Hafsteinn ræða málin, öll erum við frambjóðendur Frjálslynda flokksins í Reykjavík.

 

 

 

 

 

 

 

KRINGLUPÓLITÍK.

Það var góður dagur í dag hjá okkur í Frjálslynda flokknum. Við frambjóðendur flokksins í Reykjavík vorum í Kringlunni. Ekki vorum við að versla svo mikið í búðunum. Kosningabaráttan er að komast í hámark og spennan eykst. Við upplifum mikinn meðbyr enda komu fréttir úr norðvestur kjördæminu um aukið fylgi ekki á óvart.

 

 

 

 

 

 

 

 

 

 

 

 

 Þarna er Sturla að ræða málin.

 

 

 

 

 

 

 

 

 

 

 

 

Þarna er Jakobína að sannfæra einn Kringlugesta dagsins.

 

 

 

 

 

 

 

 

 

 

 

 

Ég og Sturla í stuði.

 

 

 

 

 

 

 

 

 

 

 

Karl heilsar væntanlegum stuðningsmanni.

 

 

 

 

 

 

 

 

 

 

 

 

Rætt og skrafað og sem fyrr segir mjög góður og gefandi dagur. Smá fótaþreyta en það verður gleymt á morgun.

Hvernig eigum við að fá kjósendur til að treysta stjórnmálamönnum?

Margir kjósendur hyggjast skila auðu í kosningunum. Það ber vott um mikla vantrú á stjórnmálaflokkum landsins. Það kemur ekki sérstaklega á óvart. Kjósendur hafa valið  Sjálfstæðisflokkinn og Framsókn árum saman í þeirri trú að þeim væri best treystandi fyrir þjóðarskútunni. Þeir seldu landið og komu okkur gjaldþrot. Þessa dagana er að koma í ljós að stjórnmálaflokkarnir eru málaliðar stórfyrirtækja. Engan skildi undra að vantraust sé til staðar hjá almennum kjósendum.

Hér er um grafalvarlegt mál að ræða. Því hefur hegðun stjórnmálaflokkanna sem hafa þegið styrki og þagað um það komið okkur öllum mjög illa. Sem frambjóðandi Frjálslynda flokksins setur mann hljóðan. Frjálslyndi flokkurinn hefur alla tíð haft opið bókhald. Því hafa allir getað kynnt sér styrkveitingar til okkar. Því má segja að innihaldslýsingin á pakkanum sé vel læsileg og kjósendur vita hvað við stöndum fyrir. 

Við viljum;

afnema verðtrygginguna,

kvótann aftur til þjóðarinnar,

burt með einokun, komum á raunverulegri samkeppni,

afnemum spillingu, virðum mannréttindi,

aukum frelsi til allra, ekki fárra útvaldra flokksgæðinga.

Hvernig er hægt fyrir lítinn flokk á Íslandi, eins og Frjálslynda flokkinn, að fá tiltrú almennings og að við meinum það sem við segjum. Ég óska eftir heilræðum frá ykkur um þetta mál kæru lesendur.

 

 

Styrkir eða afnotagjöld?

Nú berjast bræður innan Sjálfstæðisflokksins. Agnesi Braga er borið á brýn að halda meira með öðrum en hinum innan Sjálfstæðisflokksins. Þvílík fyrra, varla er það sérstakt áhugamál Agnesar að koma fylgi Sjálfstæðisflokksins fyrir kattarnef rétt fyrir kosningar. Nei hún birti bara fréttir, hvort það var henni skemmtun eður ei skiptir ekki aðalmáli, heldur að hún þagði ekki.

Það gæti virst sem skemmtun að Sjálfstæðismenn séu komnir í hár saman, en svo er ekki. Tilefnið er í raun of sorglegt. Niðurlægingin er svo algjör að menn líta undan. Þeir selja flest allt sem þjóðin á og skuldsetja upp fyrir haus. Reyna svo að standa sem óspjallaðir sveinar og þá kemur í ljós að þeir voru keyptir. Var kannski bara um að ræða greiðslu afnotagjalda, ekki styrki?

Þögn Framsóknar er ærandi.

Framsóknarmenn ætla ekki að upplýsa almenning um fjáraustur í sjóði þeirra. Þeir bera við bankaleynd . Mjög ankannalegt sérstaklega með tilliti til þess að þeim var svo mun í að halda kosningar fyrir okkur almúgann. Einnig vilja þeir endilega halda Stjórnlagaþing fyrir sama almúga. Samt vilja þeir ekki treysta okkur fyrir nokkrum millifærslum milli lögaðila.

Þögn þeirra er ærandi, nærvera spillingarmála Sjálfstæðisflokksins er óþægileg en fjarvera Framsóknarflokksins er verri. Kistur þessara tveggja flokka hafa yfirleitt ekki borð það með sér að vera tómar. Því er ekki undarlegt þó margan gruni ýmislegt.

Hvað fengu Framsóknarmenn mikið?

Eftir annasaman dag gluggaði ég aðeins á netið. Mikið í gangi vegna rekstrafé hins pólitíska arms stóreignamanna Íslands. Minniháttar greiðslur fyrir lítil viðvik er að gera allt vitlaust.

Ef við tölum í fullri alvöru þá eru tíðindi að gerast. Ríkisútvarpið er að segja okkur frá sérkennilegri fléttu.

1. 20 desember 2006 er einkavæðingarefnd falið að selja hlut ríkisins í Hitaveitu Suðurnesja.

2. Á þeim sama fundi lá fyrir bréf frá Glitni að hann vildi kaupa.

Hvernig vissi Glitnir um þetta og var fundurinn haldinn vegna áhuga einkaaðila á orkulindum okkar.

3. 29 desember fær Sjálfstæðisflokkurinn 30 milljónir frá FL grúpp.(=Glitnir)

4. Um vorið kaupir GGE (=FL=Glitnir) hlut ríkisins í Hitaveitu Suðurnesja.

Sjálfstæðismenn fengu 30 milljónir fyrir greiðasemina en hvað fengu Framsóknarmenn mikið?

Jón Sigurðsson fyrrverandi ráðherra framsóknarflokksins var með í þessu því hann og Árni Matt fólu einkavæðingarefnd að selja hlut ríkisins. Því hlýtur Framsókn að hafa fengið sinn skerf samkvæmt helmingaskiptareglunni. Sorglegt ef satt, því meiri byltingasinna hef ég ekki kynnst en Jóni við eldhúsborð föður míns í den.

Geir krossfestur líka.

Þetta er allt hið undarlegasta mál og allur málatilbúningur Sjálfstæðismanna sorglegur. Það er greinilegt að stórfyrirtæki hafa styrkt Sjálfstæðisflokkinn myndarlega, það er staðreynd. Sjálfstæðismenn hafa ætíð borið af sér að þeir væru kostaðir af stóreignamönnum. Núna er það staðreynd. Ýmsar eftirá skýringar koma frá Sjálfstæðismönnum sem í raun gerir stöðu þeirra enn verri. Þar að auki var greinilega engin vilji innan Sjálfstæðisflokksins að segja almenningi frá þessu áður en þetta komst upp. Því eru þeir á flótta núna og draga Geir Haarde fram í dagsljósið sem einhvern blóraböggul, síðasta fórn fyrrverandi formanns fyrir flokkinn. Á meðan reynir Bjarni Ben að leika óspjallaðan dreng sem aldrei hafi kynnst neinum stórfyrirtækjum. Þetta er í besta falli grátlegt.

Reyndar er spurningin hver verði sá þriðji sem verði krossfestur.

Guðlaugur Þór hafði forgöngu um styrkina

Kosningaskrifstofan í Reykjavík opnuð.

Við opnuðum kosningaskrifstofuna okkar í dag. Það gekk vel og kom nokkuð af fólki. Vel fór á með öllum og margt skrafað og skeggrætt ef þannig háttaði til.

 

 

 

 

 

 

 

 

 

 

 

 

Í byltingasófanum má sjá þrjá ættliði.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Þarna sitja topparnir í Reykjavík.

 

 

 

 

 

 

 

 

 

 

 

 

Það er verið að skipuleggja út í eitt.

Biðreikningur húseigenda.

Frjálslyndi flokkurinn vill reyna að leysa vandamál þeirra sem eru með verðtryggð fasteignalán. Flestir eru því sammála að verðtryggingin  sé böl sem beri að afnema. Menn eru enn þvæla því fyrir sér hver lausnin sé.

Frjálslyndi flokkurinn vill að lánagreiðendur borgi aldrei meira en en 5% verðtryggingu auk vaxta. Þetta gildi frá s.l. áramótum. Það sem útaf stendur fari á sérstakan biðreikning. Síðar þegar um hægist um og ráðrúm gefst til verður biðreikningurinn gerður upp. Þá verður meginreglan sú að menn greiði af honum eftir getu en afgangurinn sennilega afskrifaður. Ávinningurinn er mikill því fólk getur verið áfram í húsunum sínum áhyggjulaust og haldið áfram að ala önn fyrir sér og sínum. Lánastofnanir losna við að eignast fjöldann allan af eignum sem þær eiga í vandræðum með að koma í verð á nauðungaruppboðum.

Það er vel hugsanlegt að þegar tillit er tekið til allra þátta að megnið af biðreikningnum verði afskrifað eða leiðrétt í fyllingu tímans. Hugsunin er sú að sú verðbólga sem geisar núna er ekki raunveruleg, því um gamla verðaukningu er að ræða. Auk þess er verðbólgan sem er að mælast núna tilkomin að hluta til vegna þess að bankarnir tóku stöðu gegn krónunni og juku þar með verðbólguna. Það er ekki sök húseigenda og því ekki réttlátt að þeir beri þær byrðar

Biðreikningurinn gefur okkur ráðrúm til að meta alla þessa þætti. Þeim sem hugnast ekki eða telja sig ekki í þörf fyrir þessa leið geta sagt sig frá henni. Aftur á móti er aðferðin altæk því allir munu vera þátttakendur frá upphafi og sjálfsagt njóta góðs af.