Biðreikningur húseigenda.

Frjálslyndi flokkurinn vill reyna að leysa vandamál þeirra sem eru með verðtryggð fasteignalán. Flestir eru því sammála að verðtryggingin  sé böl sem beri að afnema. Menn eru enn þvæla því fyrir sér hver lausnin sé.

Frjálslyndi flokkurinn vill að lánagreiðendur borgi aldrei meira en en 5% verðtryggingu auk vaxta. Þetta gildi frá s.l. áramótum. Það sem útaf stendur fari á sérstakan biðreikning. Síðar þegar um hægist um og ráðrúm gefst til verður biðreikningurinn gerður upp. Þá verður meginreglan sú að menn greiði af honum eftir getu en afgangurinn sennilega afskrifaður. Ávinningurinn er mikill því fólk getur verið áfram í húsunum sínum áhyggjulaust og haldið áfram að ala önn fyrir sér og sínum. Lánastofnanir losna við að eignast fjöldann allan af eignum sem þær eiga í vandræðum með að koma í verð á nauðungaruppboðum.

Það er vel hugsanlegt að þegar tillit er tekið til allra þátta að megnið af biðreikningnum verði afskrifað eða leiðrétt í fyllingu tímans. Hugsunin er sú að sú verðbólga sem geisar núna er ekki raunveruleg, því um gamla verðaukningu er að ræða. Auk þess er verðbólgan sem er að mælast núna tilkomin að hluta til vegna þess að bankarnir tóku stöðu gegn krónunni og juku þar með verðbólguna. Það er ekki sök húseigenda og því ekki réttlátt að þeir beri þær byrðar

Biðreikningurinn gefur okkur ráðrúm til að meta alla þessa þætti. Þeim sem hugnast ekki eða telja sig ekki í þörf fyrir þessa leið geta sagt sig frá henni. Aftur á móti er aðferðin altæk því allir munu vera þátttakendur frá upphafi og sjálfsagt njóta góðs af.

Athugasemdir

[Óskar Helgi Helgason (IP-tala skráð) 4.4.2009 kl. 00:31]

Heil og sæl; Nafna, og velkomin, í spjallvinahóp minn !

Þakka þér; glögga og einarðlega grein, þarna. Hins vegar; þætti mér ekkert til of mikils mælst, miðað við stöðu mála, núna, og á komandi árum, að gutlara hátturinn, með veðlánin, til 25 - 40 ára, yrði endurskoðaður, þegar í stað - og lánin lengd, í 90 - 150 ár, eða,... hví, ættum við, að vera að greiða húseignir okkar 7 - 8 falt, á lífsleiðinni - á sama tíma, og Svíar borga sín hús, 1 sinni, á nokkrum árum, eftir því, sem mér skilst á einum bræðra minna, hver með Svenskum hefir dvalið - undanfarinn aldarfjórðung ?

Með beztu kveðjum; líka sem, til bræðra þinna /

Óskar Helgi Helgason 

[Hlédís, 4.4.2009 kl. 11:21]

Þakka þér góðan og skýran pistil, Helga!  Allt eins og talað úr mínum huga! 

Baráttuveðjur!

[Jakobína Ingunn Ólafsdóttir, 4.4.2009 kl. 22:27]

Flottur pistill Helga.