Frjálslyndir og framtíðin, F fyrir fólkið.

Veturinn hefur verið ótrúlegur. Bankahrunið og öll mótmælin. Ég mætti á Austurvöll flesta laugardaga, ég tók þátt í starfi Borgarafunda í allan vetur. Ég hitti hundruð manna, ég sá um opið hús í Borgartúninu í allan vetur og ræddi við alla þessa óánægðu einstaklinga. Mótmælin í vetur eru ekki í samræmi við niðurstöður skoðanakannana síðustu daga. Hvernig stendur á því að þeir flokkar sem rústuðu heimilunum og draumum okkar ætla fá góða kosningu á morgun.

Við í Frjálslynda flokknum viljum vinna okkur út úr kreppunni með auknum tekjum, meiri þorskafla, frjálsum handfæraveiðum, aukinni ylrækt og fleira og fleira. Við viljum ekki skatta né skera okkur úr kreppunni. Við teljum það ekki raunhæfa leið.

Ekki láta skoðanakannanir ákveða hvað þú kýst á morgun. Okkar rödd er lífsnauðsynleg fyrir Ísland. Stefna Frjálslynda flokksins eru hróp búsáhaldabyltingarinnar, kjóstu okkur ef þú vilt heiðarlegt þjóðfélag. Kjóstu X-F.

 

                                 X-F

Athugasemdir

[Jóhannes Guðnason, 25.4.2009 kl. 00:06]

Því miður Helga mín,þá lýst mér ekkert á þennan flokk,enda held ég að það séu fáir sem hafa trú á ykkur eða ykkar stefnu því miður,en formaðurinn ykkar er gæðablóð og sterkur karakter,vonandi finnast 5% að atkvæðum,svo hann verði inni,en stefnuskrá ykkar er ga ga frá A-z,því miður,eigi góða helgi og vonandi verður formaðurinn inn,eftir kosningar,þótt þið fái ekki mitt atkvæði.