Sameinumst um að kjósa EKKI aftur þá þingmenn sem samþykkja Icesave

Við erum 70% þjóðarinnar sem viljum ekki Icesave. Við munum ekki gleyma þeim þingmönnum sem samþykkja þessi lög gegn vilja okkar. Nöfn þeirra verða skráð okkur til áminningar og upprifjunar. Þeir setja lánadrottna skör hærra en þjóðina sína. Því munum við aldrei kjósa þá aftur.

Icesave á Alþingi á morgun

Athugasemdir

[Jóna Kolbrún Garðarsdóttir, 28.12.2009 kl. 01:54]

Heyr, heyr.  Ég tek undir þessa áskorun. 

[Stefán Óli Sæbjörnsson, 28.12.2009 kl. 02:00]

Ég er byrjaður að punkta niður nöfnin.

[Helga Þórðardóttir, 28.12.2009 kl. 02:02]

Gott að  heyra Jóna. Stöndum vaktina þar til yfir líkur fyrir afkomendur okkar.

[Helga Þórðardóttir, 28.12.2009 kl. 02:04]

Gott Stefán og látum þingmennina vita að við fylgjumst með þeim og að þeir eigi ekki afturkvæmt við þennan ljóta gjörning.

[Gunnar Skúli Ármannsson, 28.12.2009 kl. 02:18]

Við hjónin munum skrá þá alla niður sem samþykkja Icesave og ekki kjósa þá aftur, einfalt mál og okkar réttur.

[Jón Frímann (IP-tala skráð) 28.12.2009 kl. 02:21]

Hvað ætlaru að gera ef Icesave er fellt og það er lokað á íslendinga fyrir að standa ekki við skuldbindingar sínar samkvæmt alþjóðlegum samningum.

Hvað viltu gera ?

[Jón Valur Jensson, 28.12.2009 kl. 02:44]

Sannarlega rétt hjá þér, Helga, góður pistill hjá þér. Þakka þér alla samstöðu með baráttunni á Austurvelli og á þjóðarvettvangi.

PS. Jón Frímann, ef einhverjir "loka á okkur" og reyna að auka neyð okkar, mun það vekja mikla athygli og gefa okkur færi á að verjast í krafti réttarins, laga og þjóðaréttar. Við eigum ekki að borga Icesave-reikninga einkabanka, og brezk stjórnvöld eru ekki búin að bíta úr nálinni með að beita okkur lögbrotum og mismunun sem sker í augu réttsýnna manna.

Jón forseti hefði tekið slaginn, eins og hann gerði í öðrum réttindamálum þjóðarinnar, m.a. um stór fjárhagsmál landsins, og við hin erum reiðubúin, þótt þú og þínir Evrópustórveldissinnar treysti sér ekki til þess.

[Helga Þórðardóttir, 28.12.2009 kl. 02:59]

Jón Frímann, ég fyrirverð mig fyrir það hvað margir Íslendingar láta stjórnast af hræðsluáróðri stjórnvalda. Hverjir munu loka á okkur?Munum að heimurinn er ekki bara Evrópa. Stöndum í lappirnar og verum ekki þessir aumingjar. Mér þætti vænt um að þú segðir mér hvað það er svona hræðilegt sem getur gerst.

[Gunnar Skúli Ármannsson, 28.12.2009 kl. 03:00]

Sæll Jón Frímann,

ef Icesave verður fellt mun ég gleðjast.

Ef þú lest sögu skuldarinnar muntu verða margs vísari. Það er ekki sjálfgefið að öllu sé til fórnað til að greiða skuldir. Í fyrsta lagi er það ekki svo að Íslandi beri að veita ríkisábyrgð á einkabanka. Það er beinlínis bannað í samþykktum Evrópusambandsins.

Mörg lönd hafa neitað að borga skuldir, þau hafa metið hag þegna sinna meiri en lánadrottna. Þessi lönd eru enn á lífi. Þau stunda sína verslun eftir sem áður. Ef við samþykkjum Icesave með þeim fyrirvörum sem samþykktir voru í sumar fer heimur varla á haus, eða hvað. Með hverjum ert þú í liði?

[Helga Þórðardóttir, 28.12.2009 kl. 03:04]

Takk sömuleiðis Jón Valur. Ég ætla mér ekki að gefast upp fyrr en atkvæðagreiðslan er búin. Ætla að mæta á þingpalla á morgun þó að það sé afmællisdagurinn minn. Sjáumst .

[Jóna Kolbrún Garðarsdóttir, 28.12.2009 kl. 03:11]

Til hamingju með afmælið, fyrrverandi eiginmaður minn og faðir allra barnanna minna 6 er fimmtugur í dag.  Þetta er góður dagur fyrir afmæli. 

[Jón Valur Jensson, 28.12.2009 kl. 03:16]

Til hamingju með afmælin, báðar tvær, sönnu baráttukonur.

[Helga Þórðardóttir, 28.12.2009 kl. 03:17]

Rosalega ert þú rík Jóna. Mér finnst við Gunnar Skúli vera rík með okkar fjögur.

[BR (IP-tala skráð) 28.12.2009 kl. 03:50]

Vá! Vitsmunastreymið hér er með eindæmum! Rifjum það upp að ALLIR þingmenn Sjálfstæðisflokksins samþykktu að velta ábyrgðinni af Icesave á herðar þjóðarinnar í október 2008. Allir. Án undantekninga. Enda Sjálfstæðisflokkurinn þá við stjórn og ber enn algera ábyrgð á þessu KLÚÐRI!

Gaman að vita að hvorki Jóna Kolbrún né Jón Valur munu ekki kjósa þá aftur! Batnandi fólki er best að lifa!

[Jón Frímann (IP-tala skráð) 28.12.2009 kl. 04:20]

Það hefur engin þjóð svo mikla hagsmuni af íslendingum að þær geti ekki hætt að versla við okkur. Þetta viðhorf á reyndar við um okkar öll helstu viðskiptalönd, og reyndar allan heiminn ef útí það er farið. Það er fínt að versla við íslendinga ef svo ber undir. Hinsvegar munu viðskiptalönd okkar ekki fórna neinu til þess að halda þessum viðskiptasamböndum gangandi ef við ekki stöndum við alþjóðlegar skuldbindingar okkar.

Sú hugmyndafræði sem hérna kemur fram, að íslendingar séu svo mikilvægir að þjóðir heimsins muni einfaldlega líta fram hjá þessu máli til þess að halda áfram viðskiptum við okkur er einfaldlega tóm þvæla, og á nákvæmlega ekkert skylt við raunveruleikan. Líklegast er að þetta viðhorf íslendinga yfir heildina muni verða það á endanum fellir íslensku þjóðina endanlega. Vondandi kemur ný þjóð uppúr því hruni ef það skellur á, ef ekki verður viðhorfsbreyting hjá íslensku þjóðinni fljótlega.

[Ingibjörg Guðrún Magnúsdóttir, 28.12.2009 kl. 10:19]

Helga mín til hamingju með daginn þinn, og fyrirgefðu mér þetta inngrip á Jón Frímann hér. Ég er sammála ykkur flestum í því að þetta verður að stoppa ef hægt er. Jón Frímann einhverstaðar finnur þú þig sekan það er allveg ljóst á þessum skrifum þínum reiður og bitur yfir því að við viljum bara ekki borga steinþeigjandi og hljóðalaust þessar óreiðuskuldir þessarra eigenda og stjórnenda Einkabankanna.. Þetta er ekki mín skuld eða hinna sem hafa komið hér fram er greinilegt, svo hversvegna eigum við bara að borga..?

[Ómar Bjarki Kristjánsson, 28.12.2009 kl. 13:07]

Gunnar, er Ísland að vara að veita Ríkisábyrgð á einkabanka ?  Og síðan hvenær þá ?

Sjáðu til, málið snýst um lágmarksbætur  sem íslandi er lagalega skylt að standa undir samkv. Rammalögunum um innstæðutryggingar á EES svæðinu.  Þessi ábyrgð hefur verið til staðar frá þeirri stundu er fyrstu pundin komu inná reikning í London.  Er bara þannig.

Nú, og mér sýnist þú nú vilja samt standa við lagalegu skuldbindingarnar - villt samninginn frá í sumar.  Svo eg skil ekki alveg hvað þú ert að fara reyndar.

  En gallinn við fyrirvarana suma þar sem alþingismenn  dúkkuðu upp með eftir sumarlangt samningaþóf við sjálfa sig,  var að nokkur atriði vou skilin eftir í lausu lofti.  Algjörlega tilgangslaus slík háttsemi og bara frestun á vandamálinu.  Ekkert annað. 

[Anna Grétarsdóttir (IP-tala skráð) 28.12.2009 kl. 14:14]

Hvernig væri að sameinast um að koma í veg fyrir að þetta ólukku Icesave verði samþykkt ??

Ég er alveg agndofa yfir því hvað fólkið í landinu hefur gefið stjórninni OG stj.andstöðunni mikið svigrúm og langann tíma, sem hefði átt að verja í aðra mikilvægari hluti, til að teigja og þrasa um þetta mál....og ekki minnast á ESB kjaftæðið !!!!!

Þjóðin átti strax að taka hlutina í sínar hendur og stofna utanþingsstjórn, lýsa yfir greiðsluþroti (VIÐ ERUM GJALDÞROTA) og reisa nýtt Ísland á hreinum grunni !!!!!!

[Anna Grétarsdóttir (IP-tala skráð) 28.12.2009 kl. 14:15]

Gleymdi einu.....Jón Frímann, FARÐ'AÐ SOFA

[Kommentarinn, 28.12.2009 kl. 15:15]

Það versta er Anna að þjóðir geta ekki lýst yfir greiðsluþroti og byrjað aftur með hreinan skjöld. Við myndum sitja uppi með skuldir sama hvað við gerum...

[ThoR-E, 28.12.2009 kl. 17:40]

Dapurlegt að sjá hve heilaþveginn Jón Frímann er af frösum og hræðsluáróðri Samfylkingarinnar.

Heimurinn er ekki Evrópa. Ef England og Holland hætta að versla við okkur að þá versla aðrir við okkur.

Heimurinn lokar ekki á 300 þúsund manna þjóð sem á að reyna að kúga til að taka á sig skuldbindingar sem leggja lífsskilyrði tugþúsunda manna í rúst, sem og leggja framtíð komandi kynslóða í hættu. Bara vextir af Icesave eru 100 milljónir á dag. 100 MILLJÓNIR!

Ótrúlegt að sjá hverju fólk er til í að fórna fyrir farmiða aðra leiðina í Evrópusambandið.

70% þjóðarinnar er á móti aðild. Þannig að hvað eigum við að fórna miklu fyrir aðild sem eflaust verður felld í þjóðaratkvæðagreiðslu.

Jón Frímann, ert þú til í að borga minn hluta af Icesave skuldbindingum ríkisstjórnarinnar. En hluta barna minna ?

Ég vissi ekki hvað Icesave var fyrren bankahrunið átti sér stað. Ég fékk ekkert af þeim peningum né nokkur sem ég þekki.  Samt er verið að koma því þannig að ég borgi þetta, ásamt samlöndum mínum sem áttu ekkert í þessum einkabanka.

Þótt Bretar og Hollendingar fara í fýlu, þótt ESB fari í fýlu ... að þá eigum við vini annarstaðar. Landið lokast ekki þótt Icesave í þessari mynd verði hafnað. Því samningurinn í þessari mynd er algjörlega óásættanlegur.

[Sigurður Þórðarson, 28.12.2009 kl. 18:30]

Hey mæl þú manna heilust kæra systir.

 Já og til hamingju með afmælið ég var næstum búinn að gleyma því, það er kannski ekki skrítið að maður eigi erfitt með að einbeita sér að daglegu amstri þegar löggjafaþingið sýnir af sér annað eins ábyrðarleysi. 

[Jón Valur Jensson, 28.12.2009 kl. 20:37]

BR laug hérna hressilega kl. 3.50 í nótt:

"Rifjum það upp að ALLIR þingmenn Sjálfstæðisflokksins samþykktu að velta ábyrgðinni af Icesave á herðar þjóðarinnar í október 2008. Allir. Án undantekninga."

Málið var ekkert borið undir þingið þá, og minnisblaðið (MoU) til Hollendinga var í 1. lagi verk tveggja embættismanna (Baldurs Guðlaugssonar og konu nokkurrar, sjá vefsíðu Lofts verkfræðings, altice.blog.is, í dag), og í 2. lagi var það tekið úr gildi með Brusselviðmiðunum í nóvember 2008 samkvæmt upplýsingum Ingibjargar Sólrúnar Gísladóttur (sjá fyrrnefnda vefsíðu og bjorn.is í dag), og í 3. lagi þarf til samþykkt Alþingis á allar stórar fjárhagsskuldbindingar ríkisins, en í 4. lagi væri ekki verið að reyna að jarma út samþykkt Alþingis á málið þessa dagana, ef brezku og hollenzku handrukkararnir hefðu fengið einhvern bindandi samning um þetta frá íslenzka ríkinu 2008.

[Heimir Lárusson Fjeldsted, 28.12.2009 kl. 22:05]

Nöfn Icesave-samþykkra verða greipt í gangstéttina fyrir framan Alþingi.

[Theódór Norðkvist (IP-tala skráð) 28.12.2009 kl. 23:07]

Ekki man ég betur en að Alþingi hafi kosið um og samþykkt að veita ríkisstjórn Geirs Haarde á sínum tíma umboð til að gera samning við Breta og Hollendinga um lyktir Icesavemálsins.

Þannig séð skuldbundu þingmenn þáverandi stjórnar sig til að standa við það samkomulag sem fram kom í minnisblaðinu 11. október 2008.

[Helga Þórðardóttir, 28.12.2009 kl. 23:50]

Hér er fjör. Ég hef ekki verið dugleg að svara kommentum þar sem ég hef verið nokkuð upptekinn við að njóta afmælisdagsins. Þetta hefur satt best að segja verið óvenjulegur afmælisdagur sem ég mun seint gleyma. Eftir heitt súkkulaði í morgunsárið í faðmi fjölskyldunnar bauð eiginmaður minn mér á stefnumót. Deitið eins og Kaninn segir átti að vera á þingpöllum Alþingis. Við byrjuðu á því að hitta harðduglega vini okkar á Austurvelli og þá komst ég að því að þau vissu um stefnumót okkar þar sem eiginmaðurinn hafði kjaftað frá á fésbókinni. Helga Björk söng fyrir mig afmælissönginn. og síðan var haldið á þingpalla og hlustað á Icesaveummræðuna. Ég er ekki búin að fá leið á þessari umræðu eins og fjölmiðlar þessa lands . Þetta er allt of mikilvægt mál til þess að hægt sé að fá leið á því. Síðan bauð Gunni mér upp á kaffi og með því á kaffi París. Eftir þessa ánægjulegu bæjarferð beið mín hátíðarkvöldverður sem ég naut með minni stóru fjölskyldu.

Hér hafa margir litið við sem vilja ólmir standa við einhverjar skuldbindingar sem ég kannast ekki við að hafa gert. Menn eru hreinlega æstir í að borga skuldir einkabanka. Ég segi nú bara þetta mikið rosalega eruð þið góðhjartaðir. Þið metið meira að þóknast alþjóðasamfélaginu en að verja hagsmuni Íslendina. Fyrir mér er það prinsip mál að það eigi ekki að þjóðnýta tap einkafyrirtækis. Við gætum þá spurt okkur hvar endar sú vegferð?

[Jón Frímann (IP-tala skráð) 29.12.2009 kl. 04:25]

Acer, hættu þessu bulli. Þú gjörsamlega getur ekki séð hlutina í samhengi. Heimurinn þarf ekki að loka á okkur, heimurinn þarf bara að hætta að versla við okkur. Það vill ennfremur þannig til að stærstu viðskiptalönd okkar eru í Evrópu, þar á meðal Holland sem kaupir mest af okkar fisk og öðrum vörum.

Það sem andstæðingar Icesave hafa ekki útskýrt, og virðast ekki vilja útskýra er hvað þær ætla að gera þegar búið er að fella Icesave. Þar sem það er alveg ljóst að Icesave hverfur ekkert þó svo að það verði fellt á Alþingi.

[Theódór Norðkvist (IP-tala skráð) 29.12.2009 kl. 04:39]

Hótanir um að setja viðskiptabann á Ísland greiði það ekki meinta skuld kallast fjárkúgun. Eru engar reglur eða lög í alþjóðarétti sem ná yfir þannig alþjóðlega fjárglæpastarfsemi?

[ThoR-E, 29.12.2009 kl. 17:20]

Icesave í þessari mynd er óviðunnandi.

Ef fyrirvararnir hefðu verið með í samningnum hefði þetta verið viðunnandi niðurstaða.

En kúgunartilburðir Breta um að rusla öllum kröfum íslendinga út af borðinu og bara borga "or else" .. er vægast sagt undarlegt viðmót af hendi vinaþjóðar okkar og samherjum í Nato.

Enginn að segja að við eigum ekki að standa við skuldbindingar okkar, en samningurinn í þessari mynd mun leggja lífsskilyrði okkar í rúst.

Ég veit að þú ert dyggur stuðningsmaður Samfylkingarinnar Jón Frímann og mundir styðja hvaða samningsóbermi eða frumvarp sem kæmi úr þeirri áttinni.

Þannig að það er erfitt að taka 100% mark á rökum þínum .. enda ertu hlutdrægari en flestir. Með fullri virðingu.

[Jón Valur Jensson, 29.12.2009 kl. 20:20]

Hættu þessu endalausa stagli þínu um "heiminn", Jón Frímann Evrópubandalags-viðhengi.

Heiminum er nákvæmlega sama um þetta mál, og öðrum hverjum Hollendingi sýnist rangt að ætlast til þess að við greiðum þessar firnagreiðslur, – telja að við getum ekki staðið undir þeim og eigum jafnvel ekki að borga þetta. Málið er hálf-dautt í Bretlandi, og það myndi engu breyta nú orðið fyrir þitt heittelskaða Evrópuyfirráðabandalag, þótt Alþingi felldi "samkomulagið" (Þumalskrúfu-Kópavogssamning hinn nýja).

Að við ættum auðvelt með að brjótast út úr viðskiptaþvíngunum Breta og Hollendinga (sem er m.a.s. eitthvað það ólíklegasta sem gæti gerzt, sbr. pistil sem ég mun birta á eftir: Hvað gerist, ef Icesave-frumvarpið verður fellt?), kemur ekki til af því, að við séum svo "mikilvægir" eða sérstakir, heldur hinu, að menn, jafnvel Bretar, þurfa alltaf að eta fisk og helzt góðan. Íslendingar veiða allt að 20% af fiski í allri Evrópu (stundum meira: 2 millj. tonn af 9 millj. tonnum), og fiskmarkaðir álfunnar geta ekki án okkar verið, nema þá með því að hækka fiskverð. Svo myndu aðrar þjóðir ekki taka þátt í slíku ólöglegu banni og gungurnar í Whitehall ekki þora að leggja það á af ótta við hörð viðbrögð HEIMSINS við svo harkalegum refsiaðgerðum gegn þjóðþingi sem gæti ekki samþykkt smánarsamninga sem m.a.s. eru í trássi við tilskipun Evrópubandalagsins fra 1994, sem og jafnræðisreglur á Evrópska efnahagssvæðinu um kjör á t.d. vöxtum (brezka ríkið leyfir sínum tryggingasjóði að borga sér aðeins 1,5% i vexti, en heimtar 5,55% af okkur!). Bretar kæra sig nú sízt um það, að upp komist um strákinn Tuma! (Brown með Grodíonshnútinn á sálartetrinu).

Allt er þetta ein endemis-svikamaskína, Icesave-rugl ráðherranna, handbenda Breta og Hollendinga.

[Jón Valur Jensson, 29.12.2009 kl. 20:22]

Gordíonshnútinn!

[fridrik (IP-tala skráð) 30.12.2009 kl. 00:42]

Heyr heyr, Jón Valur,

Þetta er eimitt málið, við hvað eru menn hræddir.

Eins er með ólíkindum viðsnúningur SJS frá því í fyrra, það er eins og karl...... sjái bara ekki ljósið fyrir sjálfsdýrkun og það að vera loksins komin með völd, sem hann virðist nú reyndar óðum að vera að missa.

[Helga Þórðardóttir, 30.12.2009 kl. 01:55]

Hér er greinilega ennþá fjör. Ég get frætt ykkur á því að ég var á þingpöllum í kvöld og það vaar allt vitlaust í húsinu. Nýjar leynilegar upplýsingar að koma í hús. Ég ætla að mæta á Austurvöll í fyrramálið ásamt fjölda manns.

[Halla Rut , 30.12.2009 kl. 02:32]

Ég á bara ekki orð yfir STEINGRÍM. Víða leynist valdagræðgin og öllu fórnað fyrir stólinn. Hann hefur tapað ærunni og VG trú landans.

Auðvitað kjósum við ekki landráðamenn yfir okkur aftur.