Fleiri gagnlega Borgarafundi-takk

Í gærkvöldi hittumst við sem höfum staðið að opnum borgarafundum í fyrsta sinna eftir kosningabaráttuna. Það var ótrúlega gaman að hittast aftur og við vorum öll sammála um að þessir fundir okkar væru okkur bráðnauðsynlegir á þessum erfiðu tímum. Við sem stöndum að fundunum komum úr hinum ýmsu flokkum svo það má með sanni segja að við séum þverpólitísk hreyfing. Okkur var tíðrætt um það hve umræðan í kosningabaráttunni hafi oft á tíðum verið yfirborðskennd og léleg. Mönnum var tíðrætt um að stjórnmálamenn væru alls ekki að fylgjast með því sem væri að gerast í þjóðfélaginu. Þeir væru hreinlega í sínum eigin fílabeinsturni og að þeir væru ekki að gera sér grein fyrir stöðu fjölda fólks og hvað þá að gæta hagsmuna almennings. Við vorum öll sammála um að halda fundunum áfram,okkur til fróðleiks og vonandi einhverjum öðrum.

Hver er skuldasetning þjóðarinnar? Fjölmiðlar kannið málið.

Hvað á maður að halda. Er einhvers konar þöggun í gangi um skuldsetningu þjóðarinnar? Hvers vegna er svona lítil umfjöllun um þessi málefni  hjá fjölmiðlum. Mér finnst að fjölmiðlamenn ættu virkilega að fara að kanna hver skuldastaða þjóðarinnar sé í raun og spyrja stjórnmálamenn um það hvernig þeir ætla að taka á málunum. Mér finnst þetta mun brýnna mál en að vera stöðugt að ræða um ESB aðild.

Erfitt að standa undir skuldum

ESB þras

Sorglegt að fylgjast með umræðunni um myndun nýrrar Ríkisstjórnar. Eina sem fjölmiðlamenn virðast hafa áhuga á er það hvort stjórnmálamenn séu tilbúnir að fara í ESB eða ekki. Það er eins og það sé sjálfsagt að þjóðin vilji ganga í ESB þar sem Samfylkingin fékk þetta mikla fylgi. Eftir að hafa tekið virkan þátt í kosningabaráttunni get ég  fullyrt að það var ekki Evrópusambandsaðild sem var efst í huga þeirra  Íslendinga sem ég ræddi við. Miklu fremur atvinnumálin, skuldir heimilanna og skuldastaða þjóðarinnar. Þjóðin á rétt á því að flokkarnir leysi þessa ESB deilu og komi sér að verki við að leysa vanda þjóðarinnar .Þeir verða að fara átta sig á því að það eru engir aðrir sem munu leysa vandann fyrir okkur.

Takk Frjálslyndir

Ég vil þakka öllum þeim sem studdu við bakið á mér í kosningabaráttunni. Undanfarnar vikur hafa verið ótrúlega gefandi og lærdómsríkar. Það hefur verið mér dýrmæt lífsreynsla að fá að hitta fjölda fólks og deila með þeim áhyggjum af framtíðinni. Ég hef verið þess fullviss að við í Frjálslynda flokknum værum með góða stefnu sem ætti erindi til þjóðarinnar. Ég vona svo sannarlega að okkar rödd hafi skipt máli í kosningabaráttunni og að hún fái að hljóma áfram.

F fyrir fólkið.

Nú skiptir öllu máli að allir fari og kjósi, nýti sér kosningarétt sinn. Þetta vald sem lýðræðið hefur í för með sér. Ég hvet hér með alla til að kjósa og taka afstöðu.

Við í Frjálslynda flokknum segjum F fyrir fólkið. Við erum ósátt við sérhagsmunagæslu, enda hefur okkur aldrei verið mútað.

Allir velkomnir á kosningaskrifstofur okkar í Glæsibæ og Kópavogi.

Frjálslyndir og framtíðin, F fyrir fólkið.

Veturinn hefur verið ótrúlegur. Bankahrunið og öll mótmælin. Ég mætti á Austurvöll flesta laugardaga, ég tók þátt í starfi Borgarafunda í allan vetur. Ég hitti hundruð manna, ég sá um opið hús í Borgartúninu í allan vetur og ræddi við alla þessa óánægðu einstaklinga. Mótmælin í vetur eru ekki í samræmi við niðurstöður skoðanakannana síðustu daga. Hvernig stendur á því að þeir flokkar sem rústuðu heimilunum og draumum okkar ætla fá góða kosningu á morgun.

Við í Frjálslynda flokknum viljum vinna okkur út úr kreppunni með auknum tekjum, meiri þorskafla, frjálsum handfæraveiðum, aukinni ylrækt og fleira og fleira. Við viljum ekki skatta né skera okkur úr kreppunni. Við teljum það ekki raunhæfa leið.

Ekki láta skoðanakannanir ákveða hvað þú kýst á morgun. Okkar rödd er lífsnauðsynleg fyrir Ísland. Stefna Frjálslynda flokksins eru hróp búsáhaldabyltingarinnar, kjóstu okkur ef þú vilt heiðarlegt þjóðfélag. Kjóstu X-F.

 

                                 X-F

Sumardagurinn fyrsti-baráttan á fullu.

Dagurinn í dag var mjög skemmtilegur, reyndar annasamur en það gerir ekkert til. Í Glæsibæ vorum við með vöfflur,kaffi,gos og ís fyrir gesti. Við höfðum misreiknað okkur örlítið en gleðileg þó. Það kom ótrúlega mikið af fólki, mikið rennirí og vöfflurnar kláruðust brátt. Því var reddað eins og öðru í snarhasti. Ef allir þeir sem komu kjósa okkur er síðasta könnun kolfallin.

 

 

 

 

 

 

 

 

 

 

 

 

Hér er ein af hetjum dagsins að baka vöfflur á fullu. Vöfflujárnið í forgrunni er mitt og er 29 ára gamalt-eins og nýtt, still going strong...

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Það var fjölmennt og mikið er það gefandi að fá að ræða málin beint og milliliðalaust við kjósendur.

 

 

 

 

 

 

 

 

 

 

 

 

Sturla með svar á reiðum höndum, ekki spurning"ég er mættur".

 

 

 

 

 

 

 

 

 

 

 

 

Margir góðir gestir mættu.

Þegar vöfflukaffið var búið í Glæsibæ skruppum við hjónin í fimmtugsafmæli vinar okkar. Þar hittum við nokkra Sjálfstæðismenn sem ætla að strika út flesta sína menn og nota afgangin af blekinu til að krossa við gamla Dið sitt. 

Síðan í kvöld var farið á fund í Sægreifanaum.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sturla-maður fólksins

Stulli vinur minn stóð sig frábærlega á Nasa í kvöld. Hann er svo sannarlega maður fólksins og það er eimitt það sem við Íslendingar þurfum í dag. Stjórnvöld hafa ekki verið að gæta hagsmuna almennings en það mun Sturla svo sannarlega gera. Hann þekkir á eigin skinni í hvernig er komið fyrir svo mörgum. Stulli kemur úr atvinnulífinu og hefur svo margt fram að  færa sem getur hjálpað okkur Íslendingum út úr þessari kreppu. Hann þyrfti heilan sjónvarpsþátt til að koma öllum sínum góðu hugmyndum á framfæri . Ég hvet fjölmiðlamenn landsins til að gefa honum tækifæri til að tjá sig. Við Frjálslyndir eigum það inni hjá fjölmiðlum landsins að fá aðeins meiri athygli. Það verður einhver að kunna að flauta þarna á Alþingi. Sturla þú kannt svo sannarlega flauta svo láttu í þér heyra.

Lausnin felst í því að skapa verðmæti

Það hafa margir fyrrverandi Sjálfstæðismenn komið að máli við mig í dag og sagst ætla að kjósa okkur í Frjálslynda flokknum. Ég tek þeim fagnandi og vona svo sannarlega að við Frjálslyndir bregðumst þeim ekki. Við viljum skapa meira frelsi í viðskiptum og uppræta einokun samþjöppun og ýmiss konar höft. Burt með gjafakvóta og mannréttindabrot. Í dag eru mannréttindi brotin á sjómönnum á Íslandi og það getum við ekki sætt okkur við. Því þá erum við komin í hóp þjóða sem við viljum ekki bera okkur saman við. Gefum einstaklingum frelsi til atvinnusköpunar .Lausnin felst í því að skapa verðmæti.

Samtökin 78

Í kvöld varð ég þeirrar ánægju aðnjótandi að vera boðið á fund hjá þeim ágætu samtökum 78. Með mér mætti góður félagi minn hann Kjartan Þór sem ungur og upprennandi stjórnmálamaður og jafnframt meðlimur í samtökunum. Þetta var ótrúlega jákvæður og fræðandi fundur  og gott að finna samstöðuna sem ríkir hjá stjórnmálaflokkunum um að virða sjálfsögð mannréttindi. Maður fyllist bjartsýni eftir svona fund og ekki veitir af á þessum síðustu og verstu tímum.