Viðbrögð við ábendingum Gunnars Tómassonar

Gunnar Tómasson hagfræðingur kemur með þarfar ábendingar til stjórnvalda en hvernig bregðast þau við. Þetta er allt tóm þvæla og hér er allt í besta lagi. Eitthvað minnir þetta á viðbrögð stjórnvalda þegar bent var á vandamál bankanna fyrir hrun. Þegar Danir gagnrýndu okkur þá voru þeir vændir um afbrýðisemi í okkar garð. Ég heyrði á kaffistofunni í dag að það ætti ekki að hleypa svona kolrugluðum manni í útvarpið og hræða líftóruna úr fólki. Ætlum við aldrei að læra af reynslunni og leyfa gagnrýna hugsun í þessu samfélagi og spyrja okkur að því hvort allt sé satt sem kemur frá stjórnvöldum.Ég er sannfærð um það að Gunnar vill þjóð sinni vel og ættu menn svo sannarlega að hlusta á þau ráð sem hann bendir okkur á til úrlausnar í stað þess að bakka stöðugt í vörn.

 

Athugasemdir

[Jakobína Ingunn Ólafsdóttir, 20.10.2009 kl. 23:22]

Akkúrat

[Helga (IP-tala skráð) 20.10.2009 kl. 23:30]

Afskaplega einkennilegur boðskapur starfsmanns Seðlabankans í Speglinum í kvöld getur vart talist vera annað en stuðningur við viðvaranir Gunnars Tómassonar.

[Helga Þórðardóttir, 20.10.2009 kl. 23:47]

Takk fyrir innlitið stöllur. Það er svo gott að vita af hugsandi fólki á Íslandi. Ég er stundum  svo gjörsamlega ráðþrota yfir umræðunni í þjóðfélaginu.

[Jóhannes Laxdal Baldvinsson, 21.10.2009 kl. 00:35]

Gylfi alla vega viðurkenndi að skuldirnar væru 240% af landsframleiðslu

http://ruv.is/heim/frettir/frett/store64/item308021/

Það sem er erfitt hjá okkur er hinsvegar þessir geysilegu vextir sem þarf að greiða í gjaldeyri. Við skulum ekki gera ráð fyrir að gengið hækki á næstunni og ég hef grun um að stjórnin vilji að það lækki enn frekar. Það mundi laga viðskiptajöfnuðinn og skaffa meiri gjaldeyri og þess vegna tala þeir um að aflétta gjaldeyrishöftum í lok nóvember.

Við eigum ekki von á betri tíð með blóm í haga. Það er næsta víst.  Megum þakka fyrir ef skuldir Landsvirkjunar og Orkuveitunnar verða ekki gjaldfelldar

[Ásthildur Cesil Þórðardóttir, 22.10.2009 kl. 10:45]

Heyrði forsetan ræða við Sðölva í gær og hann sagði að við yrðum að fara að hlusta á gagnrýnisraddirnar og vega þær og meta, en ekki endalaust blása á þær.  Þetta er alveg hárrétt hjá ykkur Ólafi Ragnari Helga mín.  Ég treysti dómgreind Gunnars Tómassonar mjög vel. 

[Andri Geir Arinbjarnarson, 22.10.2009 kl. 11:09]

Tek undir þessa færslu.