Skoðanir Halldórs Ásgrímssonar fyrsta frétt

Hér er allt á hvínandi kúpunni og við erum stórskuldug þjóð. Stjórnvöld standa frammi fyrir stærsta nauðungarsamningi sem þekkist í sögu okkar Íslendinga. Hvað voru stór mál í fréttatíma sjónvarpsins í kvöld? Það var leitað álits hjá Halldóri Ásgrímssyni um stöðuna. Hann var eins og álfur út úr hól og virtist alveg koma af fjöllum varðandi Icesave, aumingjans maðurinnn, enda búsettur í Danmörku. Tekur einhver mark á þessum manni sem er búinn að stunda þvílíka hagsmunapólitík að það hálfa væri nóg.Hann er sjálftökustökustórnmálamaður af verst sort. Næsta frétt var viðtal við Jóhönnu þar sem hún dásamaði hvað það hefði verið góður fundur á Egilsstöðum og hvað allir væru hrifnir að því að við værum hugsanlega að fara í aðildarviðræður við ESB. Er íslenska þjóðin að fá upplýsta umræðu um það sem er að gerast í þjóðfélaginu? Eru þeir sem steyptu þjóðfélaginu á hausinn að stjórna fjölmiðlunum.? Ég bara spyr vegna þess að eini þátturinn sem mér finnst eitthvað varið í er Spegillinn hjá RÚV. Þar er spurt gagnrýninna spurninga og kafað ofaní hlutina eins og Sigrún Davíðsdóttir hefur gert svo vel

Den tid den sorgen-ég vissi bara ekki betur!

Nú eiga Alþingismenn okkar að samþykkja eða fella Icesave samninginn hans Svavars. Þeir eiga að kjósa án þess að sjá samninginn. Hvað knýr þá til þess? Hvað knýr heila þjóð til að láta slíkt viðgangast? Er það íslenska veiðimannaeðlið. Þetta reddast eða réttara sagt að fresta vandanum. Er það óskin um að láta ekki trufla sig við daglega iðju, búðarráp og slíka hluti. Er það of erfitt að vera raunsær, skynsamur, fyrirhyggjusamur, nákvæmur eða ábyrgur. Veiðimenn lifa fyrir stundina. Bretar eru það ekki því semja þeir ekki af sér. Mér finnst tími til kominn að við tileinkum okkur hegðun borgara. Það er gaman að vera veiðimaður og láta hverjum degi nægja sínar þjáningar en núna er mál að linni. Við verðum að sýna ábyrgð, barnanna okkar vegna. Fullveldis Íslands vegna. Vaknið kæru samborgarar. Hugsa, horfa og framkvæma svo, takið afstöðu, hvað viljið þið? Fljótum ekki að feigðarósi í annað sinn.

Borgum Icesave-Af því bara

Mér finnst svo skrítið hvað margir virðast sætta sig við þá söguskýringu stjórnvalda að við verðum að borga Icesaveskuldina. Hvers vegna er samningurinn ekki lagður fram og kynntur fyrir þjóðinni? Af hverju allt þetta leynimakk um minnismiða og hótanir um að EES samningurinn sé í hættu. Treystir fólk virkilega þessum mönnum í blindni? Hvar endar vald Alþingis til að taka á sig skuldir? Eru menn þvingaðir til að setja þjóðina í skuldafangelsi og hverjir eru það sem hóta okkur? Mér finnst ótækt að menn skrifi upp á svona óljósan samning. Það er allavega ekki nóg fyrir mig að heyra að við gætum hugsanlega sloppið vel. Mér finnst líka undarlegt hvað fjölmiðlamenn eru ragir við að krefja stjórnvöld um svör.

Getur íslenskt ættarsamfélg horfst í augu við sannleikann með Evu Joly

Nú verðum við að gyrða okkur í brók og fara að óskum Evu Joly. Ég vona svo sannarlega að stjórnvöld sýni þor og dug og fari eftir ráðleggingum Evu annars verður allt vitlaust í samfélaginu. Ég er sannfærð um það að ef við komumst ekki að  sannleikanum í bankahruninu og rannsökum ekki málið til hlítar þá mun ekki gróa um heilt hjá okkar litlu þjóð.

Skoða þörf á auknum útgjöldum

Austurvöllur kl.15 í dag

Mætum á Austurvöll í dag til að mótmæla þessu Icesave rugli. Krefjumst svara og sýnum að okkur er ekki sama. Látum ekki þingmenn setja okkur í skuldafangelsi til fjölda ára. Svona aðeins til skýringar á því hvað þetta eru hrikalegir vextir sem við erum að taka á okkur. Þá samsvara vextirnir byggingu fjörtíu grunnskóla árlega en það kostar um það bil einn milljarð að byggja grunnskóla. Þá er ég bara að tala um vextina og hvað þá með lánið sjálft. Þetta dæmi gengur einfaldlega ekki upp.

Ofurtrú á vinstri menn.

Ég hef verið í sambandi við all nokkra í dag. Það er greinilegt að hluti þjóðarinnar álítur Steingrím og Jóhönnu vera að gera góða hluti með þessari svokölluðu lausn Icesave deilunnar. Mér finnst það aðallega vera eldri einstaklingar sem hafa beðið alla ævi eftir vinstri stjórn á Íslandi. Þessir einstaklingar trúa engu illu á vinstri stjórnina, þau hljóta að vera að gera gott. Annað sem einkennir fyrrnefnda einstaklinga er að þau skilja alls ekki tölurnar. Skilja ekki hvað það er að bæta rekstri eins Landspítala ofaná fjárlögin si svona. Merkilegt, þeim finnst jafnvel að það sé okkar að borga skuldir óreiðumanna og við höfum bara sloppið vel.

Erfitt að skrifa undir

Er Steingrímur taglhnýtingur Jóhönnu

Þetta er brjálæði! Þurfum virkilega  við að greiða 37 milljarða í vexti á ári?  Ég set stórt spurningamerki við það að við greiðum þessar skuldir og í öðru lagi finnst mér þetta alveg ótrúlegir vextir. Ég er nýbúin að kynna mér vexti í Svíþjóð og þeir eru mun lægri en þetta. Af hverju taka Bretar ekki bara eignirnar upp í skuldina og sækja svo sjálfir þessa peninga til þeirra sem stofnuðu til þessara skulda. Við getum boðist til að hjálpa þeim við leitina að ábyrgðarmönnunum.  Ætla VG virkilega að koma okkur í þessa skuldasúpu. Ég vil bara ekki trúa því þar sem þeir þurfa ekki að selja okkur fyrir inngöngu í ESB eins og  Samfylgingin virðist vilja gera.

Hækkar um 37 milljarða árlega

Verðhækkanir fyrir hvern?

Það er eitt sem ég skil ekki við síðustu aðgerðir ríkisstjórnarinnar. Hún fær 2. milljarða nettó í sinn vasa en við sem skuldum þurfum að greiða 8.milljarða. Hver græðir á þessu eiginlega. Eru það lánastofnanir eða er þetta eingöngu gert til að þóknast AGS eins og Lilja Mósesdóttir var að gefa í skyn. Getur einhver gefið mér skýringu á þessu.

Á puttanum í boði Vinstri Grænna

Það er fullyrt að síðustu aðgerðir Ríkisstjórnarinnar muni auka tekjur ríkisins um liðlega 2 milljarða-nettó. Verðtryggð lán steinsteypueigenda munu hækka um 8 milljarða. Skjaldborg hvað-jóla hvað. Er þetta lið ekki með öllum mjalla. Hækka bensínið rétt fyrir sumarfrí svo að íslenskur ferðaiðnaður fái sem fæsta kúnna í sumar. Hafa Vinstri græn hugsað sér að allir ferðist um landið okkar á puttanum í sumar?

Ég tel forgangsatriði að við fáum einhverja aðila úti í heimi til að lýsa því yfir að íslenskur almenningur sé í útrýmingarhættu. Ef til vill munu Vinstri græn þá fara að meðhöndla okkur jafn vel og hvalina.

Einkavæðingin og afleiðingar hennar

Var að horfa á frábæra heimildarmynd um einkavæðingu og afleiðingar hennar. Þetta er þýsk heimildarmynd eftir Florian Opitz. Í myndinni er sérstaklega litið til einkavæðingar á grunnþjónustu eins og rafveitu,vatnsveitu og heilsugæslu. Einkavæðingunni var hrundið í framkvæmd að undirlagi alþjóðlegra fjármálastofnana í Washington og Genf eins og Aljóðagjaldeyrissjóðsins, Alþjóðabankans og Alþjóðaviðskiptastofnunarinnar. Afleiðingarnar voru vægast sagt hörmulegar. Myndin á fullt erindi til okkar Íslendinga á þessum erfiðu tímum og vekur upp margar spurningar. Hvað er gróði og hvers vegna erum við mannskepnan svona gráðug? Hvernig samfélag viljum við búa börnum okkar? Núna höfum við tækifæri til að stokka upp og endurskipuleggja þjóðfélagið upp á nýtt. Við þurfum að vera á varðbergi fyrir óprúttnum glæframönnum svo við getum búið til þjóðfélag sem byggir á réttlæti og jöfnuði.