Frétt

Mig langar til að vekja athygli á frétt sem ég las í Fréttablaðinu í gær á bls.16 en þar segir eftirfarandi:
ESA rannsakar lán til VBS
Eftirlitsstofnun EFTA(ESA)ákvað fyrir ári síðan að hefja formlega rannsókn á lánveitingum íslenska ríkisins til fjárfestinabankanna VBS, Sögu og Aska Capital.Bankarnir fengu samtals 52 milljarða króna lánaða frá ríkinu í mars 2009. Saga og VBS fengu samtals 46milljarða króna lánaða. Lánin voru til sjö ára með 2%vöxtum. markaðsvextir á þeim tíma voru 12%. Báðir bankarnir tekjufærðu vaxtaáhrif lánsins afturvirkt í ársreikningum sínum fyrir árið 2008. Við það varð eigarfjárstaða bankanna jákvæð og þeir keyptu sér aukinn líftíma.
Leiði skoðun ESA í ljós að ríkisaðstoðin sem bönkunum þremur var veitt brjóti í bága við ákvæði EES samninginn verður óskað eftir því að íslensk stjórnvöld krefji viðtakendurna um endurgreiðslu hennar. Þeir eru allir gjaldþrota.

Svo mörg voru þau orð.

Ég spyr mig.Hvers vegna erum við ekki að ræða þetta. Er alveg sjálfsagt að setja 52 milljarða af skatttekjum okkar í fjármálafyrirtæki?

Ég spyr bara vegna þess að mér finnst þetta ekki vera rætt í feitletruðum fyrirsögnum fjölmiðlanna.

Þurfum við ekki að fara að forgangsraða í hvað skatttekjur okkar fara í

Athugasemdir

[Ásthildur Cesil Þórðardóttir, 10.11.2012 kl. 00:55]

Það er löngu komin tími á að forgangsraða með almenning í huga en ekki fjármálaafla. 

[Atli Hermannsson., 10.11.2012 kl. 12:44]

Ég vil gera að tillögu minni að Tryggvi Þór Herbertsson, kúlulánaþegi og fyrrverandi forstjóri Askar Capital, helgi næsta þátt sinn á INN þessu efni. Kjörið væri að hann fengi Þorvald Lúðvík, fyrrverandi forstjóra Saga Capital í viðtal. Eins og þeir félagarnir eru nú góðir í að skilgreina vitleysur annara ætti að liggja vel fyrir þeim, sem innherjum, að útskýra fyrir okkur þessi afglöp stjórnvalda frá fyrstu hendi.

[Ásthildur Cesil Þórðardóttir, 10.11.2012 kl. 13:33]

Góð hugmynd Atli.